賭王四房長女何超盈之前被影到代細佬何猷亨出頭，向猷亨o靚模女友文宇（阿Yu）講分手。她前晚在中環出席SCAD畫廊開幕時直認其事，她說：「係呀，係細佬叫我幫佢講分手，因為細佬喺英國，佢想冇任何關係。」因為家人不接受？她說：「唔會接受，佢（阿Yu）成日將啲相放上facebook，佢哋只係拍咗兩個禮拜拖，細佬都好驚，媽咪家教好嚴，唔鍾意隨便放相。」她透露o靚模並非猷亨初戀，細佬亦沒有不捨得，她則是首次代細佬出口。
通宵陪賭王
提到賭王返大宅，有指四姨太梁安琪只得2小時探病，超盈代澄清說：「唔係，噚晚我都同爹哋食飯，通宵陪佢瞓覺，佢好好，有食魚、蒸蛋，佢見到我啲歡迎氣球好開心，覺得好warm。」
採訪、攝影：羅慧敏