上月旺友
皇馬喺歐聯下馬，意味着今季只餘西甲可爭，但筆者認為就算佢哋攞到冠軍，教練比歷連奴都係烏紗不保。歐聯16強出局呢個成績，以皇馬嚟講肯定唔合格，會長佩雷斯落筆打三更，而呢個成績肯定促成呢位專吼「名牌」嘅領導人替球隊換血，C朗、卡卡同沙比阿朗素等已經滿足唔到佢，來季再有頂級球星加盟將可預見，好似列貝利、韋拿同捷西斯拿華斯等成目標人物。
不過，早前已簽約來季投效嘅簡拿利斯，喺皇馬有冇咁多空間畀佢發揮真係一大問號，所以唔多睇好。至於教練人選，如果利物浦今季空手而回，前4又冇，賓尼迪斯會係大熱人選。
今周推介主場唔錯嘅史篤城，可擋住維拉嘅銳氣。
戰鬥員A
讓球：史篤城（下）
心得：史篤城主場可信
近5場往績：WWLWW