現年50歲的無綫總經理陳志雲昨日被廉政公署拘捕，正月未過，可謂黑到痹，法科風水師司徒法正指陳志雲今年犯太歲，他昨日接受電話訪問說：「佢眼有紅筋，如果喺夠瞓情況下出現，會易出現是非，不過佢男生女相，都算係福相，應該會解決到問題。」
區仲德：着紅底化解
司徒法正透露農曆新年前曾與陳志雲食飯，獲邀為無綫主持類似靈異節目《怪談》，司徒法正說：「細節嘅嘢未傾，但我當時見佢氣色麻麻，曾勸佢要小心人事，好容易俾人害，不過佢係教徒，冇將我講嘅嘢放喺心。」
堪輿師區仲德表示肖豬的陳志雲今年命中有三粒凶星，其中的絞煞星更會犯官非，區仲德昨日在電話中說：「佢今年農曆1月到3月都黑，要到農曆5、6月先有轉機，衰嘢陸續有嚟，又冇貴人相助，如果想化解最好喺東面放福祿壽三星拱照，又或着多啲火紅衣物，最好係紅色底褲，千祈咪着灰色衣物。」
採訪：比華利