瘋魔全球之世界盃足球盛事已開始進入倒數，要數股壇上具備足球或世界盃概念之股份可謂有數得計，最鮮明當然係英超班主楊先生嘅伯明翰環球（2309），其他仲有隻賣波衫嘅永嘉（3322）。其實今年仲多一隻，就係近期積極開拓運動配飾的雅天妮（789）。
雅天妮早前已取得NBA授權生產相關飾物，今年再獲巴西球王比利及意大利足球協會的全球非獨家特許權，可使用其素材與商標進行設計及銷售。傳聞集團仍在洽談其他國家隊及球會，其中起碼包括一支英超球會和英格蘭國家隊，而世界盃在即，雅天妮可謂食正個勢。
去年取得迪士尼特許權時，雅天妮股價一度升至1.39元，後來由高位回落，近期於0.90元至1元徘徊，調整應已足夠。今年世界盃在南非開波，雅天妮早前獲南非標準銀行入股，而且更有權加碼，明顯係睇好該股在大陸內需市場嘅前景，伺機買入，若重返1元之上企穩，技術將轉強，中線可挑戰52周高位1.62元。
方星俠