【志雲難局之玉女心驚】經常被發現拖女夜蒲的無綫金牌監製錢國偉（Wilson），昨日都被廉政公署拘捕。曾數臭Wilson逼她出席老細飯局而被飛出《美女廚房》的美味天使豆沙包梁懿晴，昨日跟Wilson劃清界線說：「我同佢唔friend。」但揚言會上網跟進事態發展。
身為無綫節目《美女廚房》監製的錢國偉，因為頻頻與一班美味天使夜蒲而被指花弗，去年更有報道指美味天使的豆沙包梁懿晴不肯出席老細飯局而被Wilson轟出《美女廚房》，其後Wilson作出反擊，聲言是因豆沙包工作態度懶散而被踢出局。
跟Wilson不和的豆沙包，昨日在電話中被問到Wilson被廉政公署拘捕事件時表示意外說：「我好意外，一陣要上網睇吓進展。我同佢唔friend，對於佢為人真係唔清楚。我諗咁大件事，廉署邀請得調查，相信真係要交畀佢哋去搞，我唔熟悉法律，都唔方便畀意見。」
被指深得Wilson痛錫的美味天使春卷王寶寶同樣感到意外，她昨在電話中說：「Really？好愕然，我唔知呢件事，唔知可以講乜嘢。」會否致電或發短訊問候他？春卷說：「我諗最好唔好啦，相信好多人傳短訊畀佢，等件事淡啲先。」
藍莓忽然避忌
另一美味天使藍莓劉俐昨日在無綫將軍澳電視廣播城出現，對於Wilson被拘捕，她顯得十分避忌，問到有否跟他聯絡時，她說：「冇，唔知佢係其中一個，唔講啦，我要上去做嘢。」
此外，餐包陳家穎和柑桔陳蕊蕊均對Wilson被捕表示愕然，柑桔說：「我上星期見過佢，希望佢冇事啦。我唔會打電話騷擾佢，會sendsms問候佢。」
採訪：林妃、王崇穎 攝影：黃文成
人物誌：炮製美味天使聞名
現年43歲的錢國偉，是無綫節目監製，曾監製多個綜藝節目如《味分高下》、《美女廚房》及劇集《四葉草》系列等，尤以愛用年輕樣靚身材正的女藝員聞名。身形肥胖的錢國偉更是艷福無邊，經常被拍得拖女夜蒲的照片，有時更一拖幾個女伴，相當架勢。正所謂上得山多終遇虎，他早前被指假公濟私，《美女廚房》的「豆沙包」梁懿晴更數臭錢國偉強迫她出席老細飯局。
