蕭邦社在本地古典樂壇甚為活躍，今年首個重頭活動聽日登場，邀請俄裔鋼琴家、指揮家VladimirAshkenazy嚟香港，喺文化中心表演一場。呢場音樂會可以話係難能可貴，因為唔止Vladimir嚟香港，連佢兩個仔Dimitri同Vovka都同行，觀眾可以一次過欣賞一門三傑三父子表演，呢個Ashkenazy×3音樂會，就算幾多心嘅觀眾，相信今次都應該滿足到。
蕭邦社由AndrewFreris夫婦創辦，以民間力量推廣古典音樂十分落力，備受樂迷讚賞，被視為香港古典樂壇盛事之一。明晚音樂會會演奏舒曼、魯托史拉夫斯基、舒伯特等名家作品。