《瀕危野生動植物物種國際貿易公約》大會今個月喺卡塔爾舉行，討論是否將來自大西洋嘅藍鰭吞拿魚列為瀕危物種，一旦成事，日後香港唔可以入口同售賣大西洋藍鰭吞拿，民協馮檢基早前發起聯署，要求各黨派議員支持保育大西洋藍鰭吞拿，更呼籲大家去信總理溫家寶，要求中國同意，香港就可以跟從執行公約新規定。
阿基搵到民建聯陳克勤時，陳克勤以該黨環保政策發言人身份，稱可以代表黨內其他議員聯署，即係民記九個議員都支持禁售大西洋藍鰭吞拿，點知後來幾個民記議員都sayno，陳鑑林、葉國謙話「陳克勤不代表我」，李慧琼以囡囡愛吃呢種魚生為由唔簽，恐防日後食無魚嬲媽咪喎。