花旗股市前晚窄幅拉鋸，道指收市升11點。港股噚日走勢差不多，成交靜波幅窄，了無氣氛，恒指收市升0.7點，基本上原地踏步。
睇成個大勢，港股短線炒上嘅機會大啲，英美銀行有集資壓力，滙控（005）短線會係淡友力質嘅對象，港股要升，仲係要靠內銀股同埋隻國壽（2628）。
遠洋地產C輪19722：遠洋地產（3377）昨收7.86元，升3.5%。股價前日突破100日線，噚日進一步炒高，成交繼續增加，有機炒上8.77元，可以諗吓隻C輪19722。
隻輪現價7仙，2010年6月24日到期，行使價8元，溢價10.6%，引伸波幅44.6%，有效槓桿5.8倍，正股見8.77元，19722睇12.6仙，正股跌穿7.55元，就沽咗隻輪止蝕。
俊樺