女星張燊悅老公，即係教育局政治助理楊哲安早前喺facebook因一句話出事，博客林忌單挑楊助理，提出三個問題，分別係全日制後，為何小學生功課越來越多、精英高分低能同中學課程片面，請教楊助理回應。
楊哲安後來喺fb回應，話想約林忌面談三小時傾教育問題，又話政府暫不會重新檢討全日制小學政策，至於精英的常識問題，佢話讀書的精英不等於做事的精英，希望學生求知識動力不是從交功課或考試做出發點，對於中學課程問題，佢指新高中有助學生接受比較廣和寬的課程，希望學生畢業時有更寬的出路。睇完答案，八方覺得楊哲安真係有做好佢份工，既官腔又言不及義也。