噚日警隊高層同傳媒高層作一年一度新春午宴，席間警隊高層報喜，話警隊舊年榮獲多個獎項，其中最威水嘅係由英國智庫管理機構KnowNetworkandTeleos舉辦嘅最受推崇知識型企業大獎，香港警隊喺52個亞洲提名中，獲選成為16名亞洲最受推崇知識型企業大獎得主之一，亦都係首個港府部門奪得呢個獎。
呢個獎分全球、地區同國家三個級別，有八個評審準則，除高層管理領導、持續學習文化外，仲有顧客知識為本同帶動社會價值，即係機構要透過各種渠道了解服務對象需要，改善服務，同埋與社會各階層包括傳媒合作。近排警隊處理反高鐵等大型公眾集會，尤其係80後示威者嘅手法惹非議，八方覺得若果警隊能夠充份了解示威者需要同合作，相信警隊會更上一層樓，奪得全球最受推崇知識型企業大獎。