郭晉安、徐子珊和吳卓羲昨日在電視城為劇集《團圓》拜神，經常是非纏身的徐子珊，曾經被指拍劇時與對手鬧不和，不過今次竟然一反常態，當拜完神後，她便與梁靖琪大玩互餵提子，狀甚老友，事後子珊說：「是非咪當係宣傳囉，最緊要開心，不過今次呢班演員個個都好玩得，而且合作得好開心，真係好難得。」
郭晉安怕傳染
最近被吳卓羲傳染傷風的郭晉安，遇上近日天氣又忽冷忽熱，他表示擔心大規模爆發，他說：「呢排真係要小心啲，好彩我最近要開工，日日都夜瞓早起，少咗時間見太太同阿仔，所以唔擔心會傳染畀佢哋。」稍後安仔會與子珊到郊外拍一場放孔明燈的戲，他笑說：「其實之前都試過取消外景，我希望嗰晚天氣唔好咁凍，如果唔係我會犧牲自己，搞到自己頭暈身熱再改期開工。」
採訪、攝影：何慧斯