外地企業來港上市一直都有，呢類公司有啲冇中文名，但入鄉隨俗，改番個中文名都好應該。
瑞聲聲學（2018）未有中文名前，都係用原來英文名「ACC」，但香港上市公司只得英文名稱，對本地投資者而言，真係唔太方便。該公司自起用中文名「瑞聲」後，股評人寫稿從此方便好多。
最近又有隻新上市無耐嘅股份叫Z-OBEE（948），股評人想寫番篇股評都唔係咁易，事關公司係英文名，文章標題難起，所以外企來港上市改個中文名，好處一定比壞處多。
上海世博會進入倒數階段，錦江酒店（2006）炒高，令人關注其他世博概念股會否有炒作。其中獲得上海世博逾5億元合約的筆克遠東（752），短線有留意價值，昨微升1個位，收報1.49元，仍企10日線及20日線之上。
筆克股價自2月以來一直窄幅橫行，等機會突破，若以大成交突破50日線，料挑戰52周高位1.79元，不妨伺機跟進，短炒以跌穿1.30元止蝕。
方星俠