09年度嘅公益金服飾日，噚日喺恒生銀行（011）總行舉行支票遞交儀式兼頒獎禮，恒生前副行政總裁潘仲賢（中排右二）就以「公益服飾日」籌劃委員會主席身份，回歸昔日辦公地，擔任其中一位頒獎嘉賓。同場仲有現任恒生副董事長兼行政總裁梁高美懿（中排左二），身兼公益金籌募委員會主席嘅梁太，唔知係咪趕住去下一場，儀式一完就急急腳走人，冇同昔日舊部聯誼吓噃！