雖然趙雅芝好耐冇演出香港嘅劇集，但其實佢都好忙，除咗拍內地劇集之外，趙雅芝閒時都會拍吓廣告，最近佢就成為中藝公司嘅代言人，日前仲打扮到好靚咁拍廣告，嗰日趙雅芝先後換上多套雍容華貴嘅晚裝再配襯珠寶拍攝，高貴大方，雖然拍咗好耐，但趙雅芝一啲倦意都冇，點解？咪就係因為老公黃錦燊一直陪喺身邊囉！兩個結婚咁耐都咁鬼恩愛。