環球歌手謝安琪喺唱片公司同無綫反面之後，高調幫有線做節目，有傳因為咁而辣㷫無綫，覺得謝安琪太過反骨，搞到無綫要封殺埋佢老公張繼聰（左一）。馮仁昭聽聞原本受無綫力捧嘅張繼聰，除咗被飛出第二輯《正識第一》主持之外，連嚟緊第二輯嘅《超級巨星》都冇份做主持，總之所有喺無綫嘅工作都被抽起，睇嚟兩公婆會齊齊喺無綫消失。