要見Spiderman唔一定要去戲院或者睇碟，英冠賽事亦有機會一睹「蜘蛛俠」風采！唔係講笑，皆因效力紐卡素嘅阿根廷中場約拿斯古迪利斯，喺球隊上周六主場6:1大炒班士利嘅第60分鐘入波後，就戴上蜘蛛俠頭套慶祝（右）；搞到主場球迷吶喊之餘，班隊友亦受到感染，之後路蘭、古費利分別再建功完成大炒，紐記以34戰72分續居榜首！今次唔係約拿斯古迪利斯首次做「蜘蛛俠」，佢以前踢西甲馬略卡嗰陣已經咁做，面具收埋喺褲、襪入面，真係奇人！