薛凱琪同陳柏宇噚日喺九龍灣出席幫助弱勢社群就業嘅活動，Fiona話未入行前喺網站公司做設計，佢話：「做咗成年，有6,000蚊人工，我嗰時住新界，公司喺灣仔，每朝早6點起身，人哋食晏我就瞓覺，呢次經歷，畀我知道賺錢好辛苦。」佢話家比以前搵多咗，但就冇咗自由，仲話如果唔可以唱歌，只係拍戲，佢就選擇唔做藝人，要番自由喎！