台灣可愛教主楊丞琳即將會喺台灣小巨蛋開騷，噚日佢出席代言運動品牌活動時竟然大膽表示：「我最近在家努力做『床上運動』來keepfit。」吓！不過各位fans唔好誤會，楊丞琳解釋原來佢只係喺張床度做仰卧起坐嚟操練腹肌啫，唔怪得現場見佢身形弗咗咁多。不過近日楊丞琳被踢爆進軍日本嘅細碟《曖昧》出師不利，排行榜連頭100名都入唔到，經理人話佢喺日本係新人，未來仲有進步空間。