熊黛林（Lynn）前晚以嘉賓身份到會展，出席意大利商務專員公署的珠寶之夜活動，穿單肩裙谷胸上陣的Lynn大受專員公署的外籍高層歡迎，外籍高層不時捉住她的雙手及親臉合照，令她有點難為情。
讚樂基兒
Lynn日前被影到與男友郭富城打邊爐，她笑說：「你哋都知我鍾意打邊爐，我喺南京日日都打。」城城坐駕車牌NN被指是她的英文名，問她會否買LY車牌湊成LYNN，她說：「嗰個唔係我個名，不過自己唔會買，因為好貴，自己個車牌係亂七八糟，唔使咁靚俾人認得。」對於樂基兒斥資買樓給家人，她說：「覺得好啱，搵到錢唔使靠人，女仔應該要獨立。」此外，行騷的陳敏之帶傷開工，她說：「頸椎移位，起碼要一個月先好番。」
採訪、攝影：JessicaNgan