隔牆有耳:一個音樂會三重驚喜 - 李八方

隔牆有耳:一個音樂會三重驚喜 - 李八方

在本地古典樂壇甚為活躍嘅蕭邦社又有新節目,3月12日星期五喺文化中心舉行一場難能可貴音樂會,俄裔鋼琴家、指揮家VladimirAshkenazy嚟香港表演,唔止佢喎,佢個仔Dimitri都會同行,仲有仲有,另一個仔Vovka都嚟埋,一門三傑一次過擺在你面前,呢個Ashkenazy×3音樂會,仲唔係一次過滿足晒大家三個願望?
呢個音樂會會演奏舒曼、魯托史拉夫斯基、舒伯特等名家作品,三父子會同台演出。蕭邦社由AndrewFreris夫婦創辦,以民間力量推廣古典音樂十分落力,已舉辦兩屆嘅香港國際鋼琴比賽已被視為香港古典樂壇盛事之一。