明天婦女節，顧名思義女人話晒事，現年45歲的黃澤鋒選擇明日迎娶圈外女友陳麗麗（Lilian），他笑言婚後願做顧家小男人。對於黃澤鋒被前女友謝小姐狂數曾一腳踏幾船，Lilian卻嫌她講得少。兩人前日更十指緊扣在旺角拍拖購物吃雪糕，大晒恩愛。
黃澤鋒跟任職時裝設計的女友Lilian相戀一年多，火速決定組織小家庭，他們明早在屯門婚姻登記處註冊，女家今年底會補擺喜酒宴請親朋。雖然一對準新人都曾經歷失敗婚姻，但無損二人對婚姻的憧憬，異口同聲表示有信心白頭偕老。
「知晒所有嘢」
準新娘Lilian對打扮特別有心得，黃澤鋒非常尊重未婚妻的眼光，所以大至禮服，小至婚戒都全盤由她揸弗。Lilian前日戴上彩色頭箍現身，凸顯待嫁的喜悅心情。
一對準新人拍拖遊旺角，Lilian在化妝品店內瘋狂掃貨，黃澤鋒全程耐心等候，並為未婚妻碌卡付款，售貨員識做地送上不少試用裝，冧得準黃師奶笑逐顏開。
Lilian購物後心血來潮想吃雪糕，他們即到隔鄰麥當勞買了兩個才合共5元的軟雪糕，邊行邊吃享受浪漫，一於懶理黃的舊愛謝小姐狂數他曾一腳踏幾船。Lilian力撐未婚夫說：「我百分百信任佢，我哋拍拖以嚟，澤鋒對自己過去好坦白，我嫌佢（謝小姐）講得少，因為我知晒所有嘢。」
勤賺錢養老婆
Lilian大讚黃澤鋒嫁得過，她說：「十分滿分，佢有八分，兩分係進步空間。」黃澤鋒則表示婚後要努力賺錢養家，他承諾：「老公賺錢，老婆享受係應份，唔係做乜娶人返嚟！」
採訪：比華利
攝影：林德雄
