上個月《蘋果》訪問環保少婦何綺玲（Elaine），介紹佢回收玻璃樽、廚餘養蚯蚓等，報道出街後，好多讀者想聯絡Elaine，希望佢幫忙回收玻璃樽，Elaine話既然大家環保意識咁強，希望都盡能力幫忙。
或出書教心得
咁多人要回收玻璃樽，Elaine指都怪社會鼓吹消費歪風盛所致，佢引用台灣法鼓山聖嚴大師說話勸勉眾生，「我們需要的不多，想要的太多。」呢兩句話，已經成為Elaine生活態度同價值觀。八方聽聞有出版商對Elaine環保故事有興趣，游說佢出書講述環保心得，Elaine坦言芳心好亂，一來好開心有人欣賞，卻怕自己文筆唔好，而且返工好忙，未必夠時間寫書，更加擔心本書出咗冇人買，浪費紙張印刷唔環保就罪過。
不過出版商唔死心，喺八方面前大讚Elaine有心機又文筆好，最重要係佢身體奉行環保故事夠吸引，唔擔心銷量咁話，Elaine家陣心大心細，會認真考慮。