張學友昨日與慧妍雅集成員及亞視星光家族成員現身太古城中心，出席伸手助人協會義賣曲奇宣傳活動。學友在台上親自打鼓壯士氣，星光家族則上台馬拉松式唱歌表演，呼籲觀眾支持。
「亞視唔得咪有線」
四大唱片公司版稅糾紛仍未解決，旗下歌星絕迹無綫，有歌手轉投亞視亮相，但近日亞視再有人事變動，學友說：「呢啲係電視台內部問題，我冇權發言，亦唔擔心，唱片公司同媒體問題唔可以上去宣傳，都要搵其他出路，亞視唔得咪有線或者Roadshow囉。」學友表示剛拍完新歌MV，會由公司決定在哪裏播放，稍後他會開迷你個唱。
至於Neway收購加州紅，又掀起四大唱片公司歌手跟卡拉OK關係欠佳，學友說：「呢啲係商業行為，我諗唔會因為關係唔好而唔做生意，雙方都係互惠，唔會少咗K歌巿場。」 採訪：卓寶花
攝影：陳慧安