香港宗教界政治傾向保守，天主教陳日君樞機算係例外，原來位於筲箕灣嘅善樂堂都好破格，喺堂址大玻璃窗貼上巨型口號，聲援國內異見人士，「要唱和諧歌，釋放劉曉波」，擺明拒絕河蟹。
呢個教會原來在社運界頗為出名，社民連毓民同阿牛都係返呢個教會，程翔都係教友，而講道嘅人包括陳士齊、胡露茜等社運活躍分子，連華叔都做過見證，六四學運領袖之一熊焱，07年6月亦獲邀講道。
善樂堂喺網頁中強調，該堂係財政獨立教會，並無任何宗派資助，98年註冊成立，99年開始籌款，加上教友奉獻同貸款，購入現時筲箕灣道堂址，面積有成2,300平方呎。