上個禮拜六同朋友去海港城食飯，行過一間男裝舖頭，俾櫥窗入面嘅日本男星竹野內豐巨型海報吸引住。竹野內這位70後藝人，啱啱滿咗39歲，難聽啲講係中坑，不過家嘅佢同佢喺《沙灘小子》同埋《悠長假期》時相比，更加靚仔、更加有型，仲充滿男人味。家陣呢代日本男藝人，除咗竹野內豐，年紀比佢大嘅阿部寬、江口洋介同埋福山雅治都係我好欣賞嘅日本男藝人，其中阿部寬嘅戲路好廣，做黑幫大佬又得，做戇男亦得，由佢主演嘅《不能結婚的男人》仲好好睇㖭。
查實碧咸都好似竹野內咁越老越正，34歲嘅佢更勝24歲嘅佢，雖則佢近排喺AC蘭冇正選打，但都支持，星期六作客羅馬受讓，一於要下盤。
青蛙仔
近5場往績：LWLLW
讓球：AC米蘭（下）
心得：五五波，AC受讓值博