睇過下注輸了也服，輸了也安心；同樣贏到錢帶給自己的滿足感也大，尤其是博到冷門。上周在本欄推介次選中正曼城這個逾7倍的超級冷門，望再接再厲，掘到寶藏。今次重心選富咸在英足盃迎熱刺，這個下盤兼半冷W，開到也不錯。
明知車仔缺鋼門施治，明知曼城最勁的射手泰維斯開小差兩星期後在今場披甲；但波迷臨場仍向車仔傾注，主W由1.35倍落飛至1.3倍，這就是賭博最離奇之處，越買越熱，似越令人安心，但一再強調曼城是一隻打強隊特別醒神的大老虎。
剛戰谷草夜馬，冷門迭爆，放到頭就得；我無聊聽收音機主持人在多場貼士不中後，半發霉氣說，「今晚賽事水準低，參考價值不高！」但言猶在耳，第6場問題馬「錢程萬里」一放到底，爆近廿倍冷門更締路程紀錄；而正如該頭馬練馬師賽後說，「這隻馬只喜獨放！」，同上周我提及「金碧亮馬」只喜外檔衝一樣，有些馬成日偷到雞只因大部份人不夠細心，不懂臨場變通，只懂專注死數據講陰謀論，無敵車仔也有主場命喪時！
熱刺憑乜嘢讓波？
周末貼士，選今季主場贏到你不信的富咸，小屋球場我也睇過波，同旺角場冇乜分別，作客球隊不易踢；對手熱刺中場缺平衡球隊攻守的侯度史東，也缺贊拿斯影響不少，加上陣中同類技術型球員太多，快馬艾朗連儂復出無期；面對窄場兼穩紮穩打的富咸，「憑乜嘢讓波？」進取如我可博W。
禮拜日，也捧另一場英足盃，博雷丁迎高一級維拉的[+1]或4.1倍主W也可。雷丁越戰越勇，維拉上周決賽敗陣，聯賽爭「4哥」又難打，兩頭唔到岸。
近5場往績：DLDWW
蘋果波神
簡介：一分耕耘一分收穫，難得半夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。