一直有傳話賭王何鴻燊今日會出院，返屋企「放假」，所以呢兩日養和門外都集結咗大批記者。不過噚日由三姨太陳婉珍，到二房話事人何超瓊，一律異口同聲話唔知唔講，似乎唔想賭王太過高調出院，以免影響佢病情。三房女兒何超蓮噚日下晝，如常着住短褲去探望賭王，仲買咗一個蛋糕上去，唔通慶祝賭王可以出院？