日前有立法會議員指天文台近期氣溫預測屢失準，我並唔係為人家講好話，但天氣呢家嘢隨住全球氣候暖化越嚟越難捉，要準確預測7日天氣難免有誤差。所謂天有不測之風雲，邊有包生仔？
唔使講，農曆年初凍到得幾度，當時同你講去到跑渣馬嘅時候會上升番廿幾度，濕度超過90%，恐怕都冇人信。區區當日終完成街坊跑程，但之前從未喺類似溫度練習過，落場有苦自己知。點都好，成村人一齊做運動始終係樂事，雖然自己唔能夠達成自己賽前訂下嘅目標，但已收晒貨。
天有不測之風雲，賭波都係，我哋寫波佬能夠做嘅就只係盡量搵多啲料提升命中率，巴里主場對基爾禾，客軍3件停賽，巴里咁都唔贏就真係人算不如天算。
藍鑽石
近5場往績：WWWLL
主客和：巴里勝
心得：擺明蝦人唔齊腳