樂基兒愛得徹底，她昨日出席手袋騷後，匆匆趕回家做煮飯婆。早前有指黎明送2,000萬元堡壘給外母，樂基兒否認其事，指不會接受老公送樓。她透露因買堡壘負擔太重，自己會將10年積蓄清袋，故改買另一單位給母親收租，黎明沒出錢也不用給家用，因為她堅信好老公會照顧自己。
英倫潮女AlexaChung今季為Mulberry客串設計手袋，她更專程來港宣傳，昨日在ElementsMulberry新店出席2010春夏手袋騷，但就沒有接受訪問。
全數繳付房價
樂基兒再以黎明公司模特兒身份出席，她完騷後匆匆離開，表示要趕返家煮餸，因為家中有夜宴，要趕醃羊扒及拆蟹肉。問她未來可會夫妻檔？她不排除有此可能。樂基兒更主動澄清有指黎明買了2,000萬元堡壘給外母，她說：「件事係咁，聖誕時，媽咪話我做咗咁多年嘢，儲咗一筆錢，家美國樓市跌，諗住買嚟投資。
「上次睇嗰間係冇買到，因為唔想俾繼父咁大（供樓）壓力，因為美國屋企全家得佢一個人工作，如果佢退休，壓力就會喺番我度，所以有另一個plan，就係買冇咁貴嘅屋，畀屋企人收租。」
問樂基兒可是一次過付款？她不否認說：「我做咗10年嘢，toptop哋嘅模特兒，都儲到幾多錢，間屋唔貴。」她又表示黎明沒分擔買屋費用，問是否一鋪清袋，她笑笑口說：「未，仲可以買啲手袋、鞋。」問她黎明有否給家用？她說：「冇，但佢係一個好老公，佢會照顧我。」何不叫黎明買樓轉送給她？樂基兒即說：「唔會接受，如果由佢送，我會覺得做咁多年嘢，自己冇用，家自己買，更加有用。」
Mandy撞正情敵
此外，近期又懷疑有藝人性愛手機片段流出，熊黛林昨日謂會堅拒拍攝，問到如果遇到男友要求？她說：「佢影佢自己囉。」但她承認有和男友的kiss相儲存在手機內。同場的MandyLieu行騷，曾與其前男友陳柏霖傳緋聞的台灣女星桂綸鎂則做嘉賓，桂綸鎂更表示有聽陳柏霖訴說分手，她說：「他有講給我聽，分手都會不開心，但現在已經好多了。」
採訪：JessicaNgan
攝影：MatthewLam
