母親在廣州開燒味餐廳，父親在凍肉公司任職，令修讀應用物理的科大應屆畢業生劉偉健，不愛實驗室愛餐廳。他已申請美心和必勝客的見習管理生職位，為認識飲食行業的營運，個多月前走到校內飯堂申請做兼職，方發現原來連洗垃圾車仔也要跟「阿姐」學。
科大飯堂向來歡迎學生申請做兼職，但劉偉健只是歷來第二人，「嗰日自己敲門問要唔要人幫手，經理好出奇。」上工後看到更多驚奇面孔，「同學見到O嘴，問點解會喺度做嘢？」本科生教務長譚嘉因看見也訝異，「佢話幾好吖，佢以前喺加拿大時都做過餐廳。」
劉偉健現在工作時，「歡迎光臨，呢邊坐」、「多謝，拜拜」常掛在口邊，其實個多月前，作為06/07年度學生會會長的他，說不出這兩句話，「見到係老師同學，覺得尷尬唔夠膽講。」後來他在家中對鏡苦練一星期才開得了口。
洗垃圾車仔有竅門
本學期他每周只需上課四小時，逢周一至五下午4時半至9時半都在飯堂工作。主要是執枱、清下欄和倒垃圾，「冇諗過咁辛苦，要好多體力，第一個星期對腳好攰，返屋企要按摩。」他到過澳洲工作體驗三個月，又到過內地公司做實習，但在飯堂工作方知原來技不如「阿姐」，「俾阿姐話大學生唔識洗碗。」如倒垃圾後如何清洗垃圾車仔，也要向阿姐請教，「要加清潔劑，用好特別嘅刷嚟刷，初時以為用水冲吓就算。」
小時愛看日本漫畫《將太壽司》和《伙頭智多星》，又是燒味舖太子爺，所以對飲食很有興趣，父母對他有意做飲食業不以為然，「佢哋覺得大學生讀咗咁多書，應搵份好待遇工作，做銀行、公務員。」現時沒有女朋友的他，直言擔心女生看不起做飲食的港男，「女仔希望搵到個養到家嘅好老公，所以都驚結唔到婚。」不過兒女私情是日後的事，他的目標是入行後，三年內成為店長，六年成為區域經理。
記者 倪清江