39歲的黎姿去年息影嫁給富商馬廷強，並專心為胞弟黎嬰打理美容生意。據悉她一直想快點做媽咪，可惜屢傳懷孕都未獲證實，昨日其好友樂易玲終承認黎姿已懷孕逾三個月，現正專心養胎，又表示腹中並非龍鳳胎，但不肯透露是否孖胎。
黎姿去年嫁富商馬廷強後息影，之後多次傳出有孕，但都只聞樓梯響。昨日有傳黎姿已懷孕五個月，且是孖胎，對此黎姿好友、無綫高層樂易玲昨日在尖沙嘴出席電影《抱抱俏佳人》記者會時，雖表示不知道黎姿是否懷雙胞胎，但就承認好友快做媽咪。
問到黎姿是否懷孕五個月？樂易玲說：「邊有咁快，噚晚先一齊食飯，唔好問佢啲嘢啦，等佢安心養肥個BB。」是否會生龍鳳胎？樂易玲說：「佢就想，快啲搞掂嘛。」她又謂黎姿胃口不俗，很多人關心她，替她打點養胎事宜。究竟黎姿懷幾個月身孕？樂易玲說：「以我所知，佢啱啱穩定，過咗小氣期（即三個月），家好好，個肚輕微凸啫，唔係好大個肚。」
此外，早前有指敖嘉年在片場失竊，楊千嬅暗指是周秀娜所為，但事後遭兩女否認，昨日三人同場，千嬅被問到可敢三口六面對質，她說：「為咗配合劇情，證明我同周秀娜唔妥，我叫佢埋嚟俾我摑一巴。」她馬上大叫周秀娜，但周正與別人傾談沒理睬，後來千嬅走到周秀娜身旁坐下，搭膊聊天狀甚老友，又作狀打她一巴，此時敖嘉年也走近合照。
周秀娜心中留刺
千嬅謂敖嘉年已就失竊一事報警，也有線索捉賊。周秀娜則指與千嬅相處融洽。問可有就事件向千嬅詢問，她說：「唔想提嘉年嘅傷心處，大家冇提喎。我冇做過都唔想再提。」問她開工時可有被劇組人員用異樣眼光對待？她說：「冇，啲crew物品跟身嘛。」
問周秀娜心中會否有刺？她說：「唔係真就梗會梗住。」問她與千嬅可做到朋友，周秀娜想一想說：「做到朋友，大家都係潮州人。」敖嘉年表示有向周秀娜說不好意思。採訪：魯萍 攝影：林德雄