花旗最新嘅經濟數據顯示，唔少地區經濟雖然有改善，但係樓市仲未有起色，前晚花旗股市借消息回落。
不過花旗股市係上落市，反而兩會有好多議題可炒作，所以噚日A股回落，港股就下跌，市場話投資者憂慮人行加息所以沽貨，都係搵藉口嚟炒。
國藥C輪20831：國藥（1099）昨收33.80元，升1.3%。前日下試20日線，支持力好強，噚日升番上10日線樓上，升破36元睇38.50元，可以諗吓隻C輪20831。
隻輪現價47.5仙，2010年8月2日到期，行使價36.88元，溢價23.1%，引伸波幅67.9%，有效槓桿3.6倍，正股見38.50元，20831睇74.3仙，正股跌穿31.80元，就沽咗隻輪止蝕。
俊樺