業績公佈之後滙控（005）股價大插，搞到人心虛怯，不過噚日滙控反彈，升番1.1%，投資者心情定番啲，恒指收市雖跌29點，但就無破壞近期嘅上升形態，大市整固完，應該可以再踢高。
國際油價短線向上嘅勢頭明顯，呢幾日油股都生猛番，累積升幅唔算大，仲可以炒吓。
中石油C輪17801：中石油（857）昨收8.93元，升0.6%。股價有機上試100日線9.46元，破位睇9.80元，可以諗吓隻C輪17801。
隻輪現價6.2仙，2010年8月2日到期，行使價9.50元，溢價13.3%，引伸波幅39.4%，有效槓桿6.2倍，正股升上9.80元，17801可見10.5仙，有近七成升幅，正股跌穿8.60元，就沽咗隻輪止蝕。
俊樺