「第十六屆香港電影評論學會大獎頒獎典禮」昨日在電影資料館舉行，惠英紅憑電影《心魔》奪得最佳女演員，內地影星王學圻則憑《十月圍城》奪得最佳男演員，曾志偉擔任頒獎嘉賓。今年惠英紅亦憑《心魔》角逐金像獎影后，入行31年的她說：「我呢期緊張到出濕疹，好怕攞唔到獎，辜負朋友期望，我咁嘅年紀可以做女主角嘅機會越嚟越少，所以好想趁呢個機會攞獎。」
此外，對於尹志強的追思會，曾志偉說：「大球場book唔到時間，所以我哋會喺新伊館或者南華會舉行，日期會喺15至19日其中一日，首選係星期日，如果唔得嘅話希望喺平日6點後進行，方便市民同球迷出席。我哋最想喺南華會度搞，因為嗰度係尹佬出身嘅地方，米雪話尹佬唔想朋友唔開心，所以追思會都唔想太傷感。」
採訪：何慧斯
攝影：黃文成