【本報訊】「河蟹」和「草泥馬」由內地網絡激鬥到香港尋常百姓家，平日絕少上網的天主教香港教區榮休主教陳日君樞機也感受到「河蟹」的力量，公開表態要「識穿假河蟹，追求真和諧」，認為和諧建基於公義的制度，被迫和諧沒有意義。
中大崇基學院第四屆基督教文化節以聖經馬太福音內八福其中一節「使人和睦的人有福了」為主題，主講嘉賓之一陳日君在會上解釋和諧及和平的意義，「戰爭係好愚蠢嘅，無論為咩原因都唔會有好結果，不過冇戰爭唔等於和平，如果一個地方嘅制度唔公義，都係stateofviolence（暴力狀態）。」
和平跟公義不可分
他強調，和平跟公義不可分，提到早前熱爆網絡的「河蟹」和政府經常提出的和諧社會，「和諧係咪真正嘅和諧先？大家嘅地位係咪平等先？係咁叫你和諧、命令你和諧，唔和諧唔得嘅，呢啲唔係真正嘅和諧。」