樂基兒去年被本報踢爆已嫁給黎明，今年她直接轉投老公陣營，簽約成為百仕活藝人。黎太昨晚首度以黎明旗下藝人身份出席活動，陳善之及她的舊公司Calcarrie's都派人陪同，樂基兒低V上陣，以行動否認老公不准她性感。約滿Amusic的楊千嬅對續約或過檔華星都採開放態度。
樂基兒轉投老公黎明旗下，她昨晚首次以黎明公司藝人身份，出席名店I.T中環新店開幕酒會，由陳善之和約滿了的舊公司Calcarrie's職員陪住到場。
食兩家茶禮
一身透視低V白裙的樂基兒正式宣佈說：「我係轉咗management，陳善之會處理我嘅工作，但仍然會同Calcarrie's合作，佢哋好似我屋企人，佢哋會繼續接job，我哋合作咗10年，關係好好，冇嘈交。」問她是否因為黎明才轉公司？她說：「唔係，其實同Calcarrie's好似family，好似結咗婚，嫁女，過年過節都會返娘家。」
樂基兒表示沒有想過拍電影，仍會以模特兒工作為主。問到可是由她為黎明的公司培訓模特兒新人？她說：「冇咁嘅事。」黎明有否下令不准性感及接泳衣騷？她說：「我家都透視啦，總之Joe（陳善之）處理啦。」有指黎明為鴴樂基兒，送了2,000萬元堡壘給外母，她聞言即說：「八卦嘢唔答。」之後便火速離開。
至於承認已經約滿Amusic的楊千嬅也在場，她謂現時主力搞經理人合約，她說：「家首當其衝係拍戲，同林生（林建岳）、東亞都合作得好好，只係唱片約未簽。」問她是否過檔東亞旗下的華星？她說：「其實都係自己公司。」
千嬅做主婦
問千嬅續約Amusic成數幾高？她說：「都唔少，如果唔續，就一係唔做娛樂圈，一係同先生一齊工作，做家庭主婦，經理人就係我老公。」她否認Amusic不夠自由度及和黎明不咬弦等傳聞。
採訪：羅慧敏 攝影：林德雄