闖日成功的Angelababy（楊穎）昨日出席美容產品活動，現場十多位美女早已雲集，Baby卻獲安排壓軸到場，簡單谷胸已輕易搶鏡。港姐林莉則以緊身裙硬谷警鐘胸撼低一眾名模，成為全場最性感。
楊穎、諸葛梓岐、周麗淇、鄧麗欣（Stephy）、林莉、陳嘉容、謝婷婷、楊愛瑾及汪圓圓等十多位女星名模盛裝出席於海港城舉行的美容產品活動，為活動擔任頒獎嘉賓之餘，更爭艷鬥麗。
直認心廣體胖
活動昨日於3時半舉行，嘉賓開始陸續抵達，只得Angelababy及古巨基獲厚待4點半壓軸出現。谷胸現身的Baby一出場，輕易吸引全場目光，名模諸葛梓岐、陳嘉容分別以透視及大露背迎戰多位靚女，但仍不敵Baby及忽然警鐘胸的林莉。
Baby昨日大晒鎖骨上的紋身貼紙，她說：「呢個係Chanel就快推出嘅新產品，我先試用，我都想喺腳紋個真嘅頸鏈紋身。」她稱17歲已在腳部紋了兩個真紋身，但從未紋過愛的紋身。
Baby被讚身材豐滿，她笑說：「我戴咗nudebra。」問她是否墊上兩個？她說：「咁又冇，可能我呢排開心食多咗肥咗。」至於上圍有否升級？她說：「少少啦。」問到是否因拍拖很開心？她說：「唔係。」
諸葛消息不靈
纖瘦的林莉也搏命谷胸，令胸前有唧肉情況，她說：「套衫係大會安排，因為有少少緊，效果先好咗，其實我噚晚先收到件衫，大會得36同34碼畀我，我已經揀咗36碼，今朝都冇乜食嘢。」林莉自言滿意上圍，不會考慮豐胸。
此外，諸葛梓岐得悉傳不和的陳法拉已封嘴，也即時做出封嘴手勢，問她會否不捨得師姐樂基兒轉投新公司，她卻說：「佢唔會走，唔會唔捨得，之後仲會一齊合作，報道話佢約滿，我就唔係好知。」
採訪：WanManChi
攝影：MatthewLam
