大美人關之琳早前被拍到身形腫脹，但前晚她以一身春裝出席呂良偉為長者設的新春晚宴時身形回復纖瘦。雖然現場嘉賓多是一雙一對，不過單身的之之戴上巨型黃鑽戒容光煥發，原來她趁假期到法國學滑雪，之之自嘲一把年紀，結果學完後搞到全身疲累，似被人毒打一場。
呂良偉前晚在尖沙嘴某酒家，筵開45圍請了來自四間老人院的長者出席新春晚宴，阿呂老婆楊小娟、囝囝及老竇、關之琳、向佐及Race、甄子丹及汪詩詩、薛家燕及林莉等擔任嘉賓，與長者同樂。早前之之被影到身形腫脹，但前晚見她一身春裝下身形弗爆，戴上超巨黃鑽戒更是明艷照人，她更準備了600封利是派給老人家。
問到近況，之之笑說：「我咪無事忙，記者見親我都係行街食飯，有時冇化妝，當然唔係咁想俾人影。」之之自言工作以外都是普通人，故不想被人打擾以及有炒作新聞出現。問到感情生活，之之想了一想才說：「普通朋友，每年都係嗰句。」
阿呂同囝囝過招
新年假期，之之透露和朋友到了法國滑雪，原來她之前已經到過當地，可惜次次因不夠雪及其他原因而未能學懂滑雪，之之笑稱：「今次終於學識咗，終於一嘗滑雪滋味，家識少少，一把年紀先去學，搞到好攰，好似俾人打咗一身咁。」
此外，阿呂的囝囝在台上表演空手道，不停捉着阿呂比試，結果要楊小娟出馬才罷休。當晚阿呂還安排魔術師到場表演，他說：「我遲啲喺上海搞一間以魔術為主題嘅餐廳，今次帶呢位魔術師嚟表演吓先。」
家燕姐剛由新加坡登台回港，提到陳寶珠喪母，家燕姐說：「我有打畀佢，但佢冇聽。呢個月14號我搞60歲大壽，家佢嚟唔到，我又唔可以去拜祭。」
採訪：馬建華
攝影：陳志嵐