法國女廚神格拉塔爾師承本港有廚魔之稱的米芝蓮星級大廚梁經倫，他昨日聞得格拉塔爾獲得一星評級表示高興，又謙稱與格拉塔爾並非師徒關係，相反大家相處亦師亦友，「我喺佢身上都學好多烹調法國菜嘅竅門。」
「唔諗新嘢好難吸客」
出身倫敦的梁經倫來頭不簡單，在灣仔開設的新派餐廳BoInnovation早獲米芝蓮一星評級，以中西合璧的「X-treme」菜式廣受食客歡迎。上月更應旅發局邀請到多倫多示範「唔會有人諗到嘅」檀香煙熏杏仁豆腐等創新菜。但廚魔強調，他設計菜餚以中式為本，再以全新手法烹調，「好似蘿蔔糕傳統以臘味、臘肉做料，我就用鵝肝同黑松露菌，外表同樣係蘿蔔糕，食落口又係另一回事。」
廚魔續稱，本身喜歡到街巿選購既新鮮又特別的食材，才會做上佳時令菜式，其中一道他至愛自創菜式是大閘蟹梳乎厘，「香港餐飲業競爭激烈，唔諗啲新嘢好難吸引到食客。」
梁經倫煮菜離經叛道，人也離經叛道，生長於小康之家的梁經倫，23歲時跟朋友的妹妹結婚，未夠一年，同齡女友即今日的太太便懷孕，考取工程師卻跑去做廚師。人到中年，右手手臂紋上廚魔兩個字，頭髮染得一邊藍一邊紫，太太抗議說他中年危機，他回應說：「我喺廚房好滿足，我搞餐廳，唔係搞女人。」
證明洋人煮中菜都得
梁經倫說，今次格拉塔爾獲一星，證明外國人烹調中式「並非一定唔得」，反而加上西式烹調方法，會有其特色。
食家劉健威表示，近年中國菜已發揚光大，不少外國廚師也來港學藝，「互相交流廚藝係一件好事。」他說，今次獲獎的巴黎食肆「飲茶」每道菜配合一款茶好有特色，本港食肆可以學習，「我都冇諗過每道配菜嘅做法。」食家蔡瀾亦表示，本港集合不同國家的菜式，成為外國廚師取經勝地並不出奇。
本報記者