最近Tecmo傳出會解散及併入KOEI旗下，以後《忍者外傳》、《DeadOrAlive》等都會轉到KOEI，機迷們當然有點意外，不過更多嘅係兩間公司嘅遊戲會唔會Crossover，同時KOEI嘅無雙玩法又會唔會結合到Temco遊戲，各位一定最關心！
講番遊戲，Tecmo4月仲會推出PSP版《DeadOrAlive~Paradise》，今次轉用島國風情，繼續大玩美女排球，亦有相機功能，想點影都得！
除咗打排球外，遊戲中更包括21點、老虎機等賭博遊戲，贏到嘅金錢有咩用，梗係花在女角身上，可買靚衫送畀女孩們，替她們拍照再製成寫真集，不過要留意島上嘅商店不同時段會有唔同選項，而且你送嘅禮物女孩子亦都未必一定喜歡，你要多陪佢哋打吓排球，逐漸增加親密度，禮物先會被受落，一定要畀啲耐性，花啲心機o架！遊戲4月就會推出，在PSP上有得玩，記得留意。
記者：許福合
網址： http://www.tecmo.info/product/paradise/