新婚不久便宣佈有喜的趙梓淇（前名趙頌茹阿Yu）和周永恒，昨日與再度懷孕的鄺文珣齊齊出席在灣仔舉行的嬰兒用品展，兩位準媽咪碰頭傾個不停。自有BB之後，阿Yu覺得自己「超醜樣」兼且脾氣很大，她笑說：「我成日覺得唔舒服同嘔，而且覺得好多嘢睇唔順眼，我以前講嘢已經好直，家仲直，真係冇計！」
周永恒當老婆奴
一直伴在阿Yu身旁的老公周永恒笑說：「我當佢係皇后，成日鬧人，連我細佬同表妹都俾佢鬧，真係戥佢哋慘，阿Yu有時仲覺得我唔理佢，見到佢有咁嘅轉變，都覺得好好笑，不過我諗BB出世之後，佢就會做番BB嘅奴隸。」
懷孕只有3個月的阿Yu已經開始準備BB用品，她說：「家已經有人贊助BB教材，最好連其他嘢都有人贊助，呢個先至係重點。」阿Yu表示Amusic對她很好，不用她返公司。
鄺文珣有驚無險
此外，現懷孕4個月的鄺文珣表示之前發生驚險事，她說：「醫生之前同我做檢查，覺得我個BB有啲指數唔正常，所以叫我抽羊水檢查，不過老公話即使有事都叫我生出嚟，好彩最後報告話冇事。」她更表示日內便會知道BB是男或女。
採訪、攝影：何慧斯
