今季與曼聯對陣過而又不敗的球隊，大概5隻指頭數得完，阿士東維拉正是其一。兩軍周日決戰溫布萊爭英聯盃，曼聯讓半/一，以決賽而言未免太多，撐下盤。（球賽編號：星期日19：now632及660台今日11:00pm直播）藍鑽石
換轉是今季之前，很多人尚在談論維拉患懼「魔」症，但這支由名帥奧尼爾領軍的球隊，首循環聯賽作客爆大冷贏曼聯1:0，到早前次循環則與對方各一言和，毫不輸蝕。維拉目前的班底戰力不俗，只是個別球員的穩定性有待加強，影響長命賽的成績，但在盃賽，特別是一場過的決賽，這問題絕不存在。
維拉上仗收起主力
維拉剛於上周中英足盃力克水晶宮，而該仗明顯留力，門將費度、守將占士哥連斯及射手希斯基都避戰，至於上周初發燒的柏杜夫已病癒，上述4人將悉數在今場決賽復任正選，名副其實是「夫添」。
艾邦拉荷、占士米拿及艾舒利楊格等人從來活力十足，牽制作用極大，加上曼聯後防人腳不整，紅魔的中後場戰將絕不敢推得太上。
曼聯近況當然不差，單是一個入球停不了的朗尼已令人聞風喪膽，然而，一來其「鐵頭功」面對硬橋硬馬的李察鄧尼未必管用，最重要是支援不足。
曼聯陣容天殘地缺
兩軍上次交鋒，曼聯扳平的入球正是拿尼傳中，接應的傑斯射門省中敵將射入。如今傑斯續養傷，而個人突破力強的拿尼又停賽，另路爾斯安達臣又提早收「咧」，朗尼的供應必減。後防方面，中路守將里奧費迪南續缺陣，面對進攻速度及把握力強的維拉鋒將艾舒利楊格及艾邦拉荷，所承受的壓力絕不會小。
無疑曼聯近年英聯盃戰績佳，但維拉亦有個擅打盃賽的領隊奧尼爾，在97年及00年曾帶領李斯特城在英聯盃封王，與這賽事有緣，臨場調兵遣將能力亦毋庸置疑。此戰維拉形勢不輸蝕，在法定時間不敗非難事。
賽制：於中立場一場決勝負，若法定時間內打成平手，則需加時（加時上、下半場各15分鐘），若仍未分出高下，則互射12碼決勝。
星期日19
阿士東維拉vs曼聯
半全場：和/和
盤口：阿士東維拉受讓半/一
盤口：阿士東維拉[+1]
讓球：下盤
讓球主客和：H主勝 1:1
《花絮》
朗尼勢破C朗紀錄
朗尼近期入球停不了，紅魔周日要捧盃都睇呢位英格蘭射手表現，而費Sir就吹捧朗尼上天，話可打破兩年前基斯坦奴朗拿度一季入42球紀錄。朗尼目前射入27球，如果曼聯順利打入歐聯決賽，加埋英聯盃決賽同聯賽，仲有17場爭取「士哥」，都咪話冇機會。
格拉沙避世免丟架
唔少曼聯球迷都不滿班主格拉沙家族經營球會方法，搞到負債纍纍，而格拉沙家族成員亦深知唔受紅魔迷歡迎，所以周日決賽都冇計劃到溫布萊捧場，甚至今季唔會出現喺奧脫福觀戰，費事被柴台。至於紅魔粉絲嘅百米飛人保特，賽前就力撐愛隊最終可以捧走有10萬鎊冠軍獎金嘅英聯盃。
賓科士打冇運行
費Sir一直為紅魔門神繼任人而傷透腦筋，但隨着老將雲達沙決定續約多1年，總算有更多時間搵後繼人。不過，雲達沙留隊，後備嘅賓科士打就前景暗淡，有傳佢同奧雲都會成為今夏清洗對象㖭！