本港各行各業競爭激烈，零售業、公共交通機構和飲食業均有採用卧底顧客放蛇，確保服務質素；絕大部份國際品牌名店，亦會派出神秘顧客突擊測試員工。有名店售貨員表示，神秘顧客會根據公司的測試清單來問長問短，態度特別挑剔，令前線人員增加不少壓力。
有名店售貨員向本報表示，現時絕大部份連鎖時裝店，不論是否國際名牌，均會有神秘顧客突擊測試前線員工的服務質素。神秘顧客可能是公司辦公室的文職人員，亦可能是外聘的顧問公司派人假扮，「貪佢哋生面口」。
特別挑剔 不斷提問
各公司均有一張測試項目清單，「佢哋一入到嚟就睇你有冇打招呼，笑容、儀容、衣着甚至髮型，睇媖合唔合公司標準。」因有名店要求售貨員使用同一品牌的化妝品。「佢哋問問題特別挑剔，又會問長問短留難你，例如呢種質料可唔可以機洗；拉鏈有冇問題，總之不斷問……」以考驗售貨員的銷售手法、主動性及對產品是否熟悉等。
該售貨員指，評分不合格的員工需接受再培訓，故神秘顧客令前線員工感到很大壓力，員工最重要是忍耐及「打醒十二分精神」。
保安通水 食堂「唔驚」
香港百貨商業僱員總會外務總幹事鄭乃恩，反對僱主以神秘顧客檢測前線員工的服務質素，「嚟唔緊要，但係結果係針對僱員。」曾有僱主根據神秘顧客評分，作為解僱員工理由，「佢哋會趁你最唔得閒、最忙嘅時候問你嘢，你做唔到就中晒招。」他指，曾有收銀員忙於收銀時，神秘顧客刻意要求他解答產品問題，該收銀員未能解答，便被指不符合公司要求。
一名連鎖快餐店外派食堂員工說，食堂所在的大廈保安很醒目，登記外人出入時若發現有快餐店派來的人，會立即通知食堂，令神秘顧客現形，「我哋唔使驚佢。」
本報記者