陳秀雯噚日喺無綫將軍澳電視廣播城為《我們的陳秀雯》進行錄影，佢話好開心可以有個人特輯，仲話雖然家係自由身，不過暫時仍未考慮簽返無綫拍劇。問到陳秀雯家同妹妹陳加玲嘅關係，佢只話：「唔提啦！」至於對方新年有冇拜年，佢同樣話：「唔提啦，都沒完沒了。」睇嚟仲要段時間呢對姊妹先可以冰釋前嫌。