陳豪與佘詩曼早前被指因拍劇而撻着，但兩人均予以否認，雖然緋聞似流料居多，但昨日仍成為其他演員笑柄，阿佘一於使出絕技扮聾，陳豪則以真金不怕洪爐火來澄清，以維護阿佘。
陳豪、佘詩曼、陳法拉、鍾嘉欣、關菊英及李香琴等，昨日於將軍澳電視廣播城為無綫新劇《公主嫁到》進行拜神儀式，該劇為今年重頭劇，拍大合照時也按排位進行，半百演員皆以古裝打扮出席，由於陳豪與佘詩曼兩人早前曾傳出緋聞，故昨日影大合照時慘成為笑柄，更有演員大叫：「三好係陳豪o架！」即引來現場不少演員喧嘩。
阿佘：踩到我底線
雖然陳豪阿佘傳出緋聞，但昨日兩人仍表現大方，合照有求必應，陳豪更以真金不怕洪爐火來否認緋聞，其間陳豪拿着提子經過阿佘身旁時，阿佘表示想嚐一口，記者要求陳豪餵她吃提子，兩人卻只肯各有各食拍照，問到阿佘為何未有餵食時，她說：「做乜嘢要餵呀？唔需要刻意做呢啲嘢令人誤會。」對於兩人的緋聞，阿佘表示已交由律師處理，她說：「我冇睇報道，已經交咗畀律師處理，今次真係會嬲，因為已經踩到我底線。」
法拉收男友相機
陳豪直言緋聞難以控制，但要適可而止，認為女性貞節好重要，問到陳豪新年可有向女友廖碧兒父母拜年時，他即轉移話題，表示今年派了很多利是。此外，陳法拉對於與諸葛梓岐的瓜葛時，她即封口說：「唉，唔答喇。」她表示早前生日收到男友送上數碼相機作為禮物，故十分開心。
採訪：王崇穎 攝影：陳俊強
