周五19/02
整場「大」串隔夜波
冇波睇，但收工後只見德乙玩入球騷，補注之後進行嘅德甲獨腳戲，賀芬咸入球「大」，串射隔夜波好了。
閒贏指數：☆☆
周六20/02
睇見老樸就心酸
何謂黑鬥黑？見到自己貼嘅老樸喺幾乎不可能之下輸波就知一二，好彩補番超冷入球「大」冇咁傷，但輸錢不及見到老樸苦況傷。捧曼聯又中伏，好彩巴塞發狂，波友唔會輸到尾。
閒贏指數：☆☆☆
周日21/02
捧曼城悶爆收場
是日荷蘭波獨捧阿積士，只信佢哋同祖記硬撼完能提升戰力；今季重點維拉早知穩贏般尼，但為了慳本，再串射臨場越賣越冷嘅曼城W，不補「讓球」平手盤，結果呢場「阿四之戰」悶爆交白卷，踢到咁樣，幫英超趕客？同日尾門，大把人攬住皇馬，結果波友又攞到尾彩咯。
閒贏指數：☆☆☆☆
周一22/02
華倫幫我儲彈藥
周一西甲我未睇過，亦好少見啲波咁正路，華倫熱W串射贏到開巷，大家睡得甜，周二歐聯又有子彈咯。
閒贏指數：☆☆☆☆
周二23/02
6串1斷巴塞
波多但無謂，大部份注碼相信係倒落曼聯射巴塞，結果曼聯大炒，但巴塞取得重要作客入球，卻斷熱W；身邊人叫苦，我返工前買了全日唯一賭注，廿蚊6串1也斷巴塞，我冇普羅波友咁大怨氣喎。
閒贏指數：☆☆
周三24/02
中維拉3:1執身彩
早場買乜都畀人追番，西維爾、費倫天拿，好冇癮。因喜歡摩帥，不捧公眾熱門車仔[+1]，好彩見到熱刺同維拉個陣對辦，多謝繼續回勇嘅柏夫里約真高，多謝維拉3:1，執身彩。
閒贏指數：☆☆☆
周四25/02
燕豪芬+利記=得米
歐霸盃主打，又係儲能量嘅時候，早下注捧一注燕豪芬，信埋利記，有運，得咗！早瞓為周六儲能量，其他波唔易中。
閒贏指數：☆☆☆