農曆年間寒流襲港，相信影響唔少渣馬跑手練跑部署，區區正係受害者，之前停練兩個禮拜，明日要抱盡人事心態、大無畏精神參戰。
人貴自知，最近喺本報主筆嘅專欄度睇到佢備戰嘅心態，人家跑全馬拉松，我就跑街坊10公里賽，有冇覺得卑微？梗係冇！運動係量力而為嘅鍛煉，以我呢隻生活顛倒，晚晚三更半夜至瞓，又朝朝晨咁早起身送個女上車返學，如果可以按自己訂下嘅目標成績完成，已經對得住自己同呢項活動有餘咯。
講到大無畏，意甲烏甸尼斯明日主場對國米都要抱大無畏精神。烏甸係頹，但呢場波國米有教練摩連奴同埋4件中後場球員停賽，勝和負都係唔沾手，只係信烏甸以大無畏精神，放開懷抱，應該會同「1哥」合演「大」騷。
藍鑽石
近5場往績：WWLLW
入球大細：烏甸尼斯大
心得：「甸」鳳鬥狂龍