玩波、馬及股票也好，個人宗旨是，勤做功課而揸到好嘢在手，再注入值博率元素，中短線冇咁易被震走；周末重點推介，英甲大老虎列斯聯作客哈特斯菲爾德，近期狀態稍回，換來極高值博率，必捧。
在公在私，足球已佔據我大部份時間，賽馬運動實在難以再全情投入，但興趣也好，作為消遣也好，相信不會完全放棄，維持做一個超級業餘馬迷，投入小量金錢、時間落去；不過落得注都會做少些功課，輸也服氣點。今季有隻馬，我長期跟進，終於好應一鋪賺回，就係「金碧亮馬」。或者嗰名夾我，但隻馬睇賽績其實極厲害，唔係落第就係冠軍；前次排大外檔，入直路從外邊如飛殺上爆出18倍大冷後，上周三排黃金1檔成次熱落第；傳媒中伏馬迷也中伏，點解？其實隻大步馬反而排內檔不妙，今季3捷兩排大外檔照爆，死數據單買檔位唔睇番隻馬點跑，輸錢不能賴人。
早前作客贏曼聯和熱刺
足球亦然，喺英甲有隻超級大老虎，就係列斯聯，今季9成機會以上升班。但唔遇過超強對手有直播畀波友睇過，唔知佢哋嘅實力原來咁勁，之前喺英足盃作客贏曼聯再和熱刺，只係重賽落敗，現專心爭升班好了；隊中射手唔係得個碧福特，賀治雲及麥舒菲爾近期好入得，今次作客有升班機會嘅哈特斯菲爾德，莊家唔信開個2.5倍客W畀波友，純死計數據嘅預測；我逆思考必捧列斯聯，穩陣者博平手盤高水啦。再冷啲，我信另一大老虎，曼城打敗車仔，有7倍。
周日，捧維拉在英聯盃決賽對曼聯[+1]，多質高快馬喺大場溫布萊打突擊，有力爆冷。
近5場往績：LDWWL
蘋果波神
簡介：一分耕耘一分收穫，難得捱夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。