本來外圍股市表現冇乜大礙，豈料港股走勢仲蠱惑過蠱惑的槍，時升時跌唔在講，最難搞係呢輪港股鍾意自己行，有時唔理美股或內地A股升跌，走勢十分飄忽，令唔少散戶近日吃盡苦頭。股市走勢同近日天氣一樣陰濕，睇唔通就要步步為營。
晉盈控股（723）今日起將改名為「永保林業」，以反映公司業務已經轉型為林木企業。該股近期可謂動作多多，早前公佈以約2.95億元，收購巴西AcreState4.5萬公頃永久持有林地，並擁有5.37萬公頃森林特許開發權，此外獲得玻利維亞80萬公頃森林的30年獨家特許開發權；根據意向書，有關交易集團獲保證首三年的年度純利達4213萬元。
另外，永保在巴西及俄羅斯擁有28.77萬公頃森林資源，可生產2400萬立方米硬木及軟木。
公司成功變身後，股價近期維持強勢，估計隨後續有收購行動，將有消息跟尾。昨升2.2%，收報0.90元，現價距52周高位1.01元不遠，可買入博破頂。
方星俠