車仔隊長泰利送咗頂綠帽畀曼城嘅布歷治，搞到滿城風雨，而當兩隊禮拜六喺史丹福橋進行英超時，小道消息就話布歷治唔會同泰利握手。英格蘭國家隊領隊卡比路會入場睇呢場波，知情人士話佢咁做，係想畀啲壓力布歷治，希望佢可以同泰利解決呢個球場以外嘅問題。布歷治企到好硬，為咗面子，犧牲國家隊前途亦在所不計，仲喺星期四早上通英足總咪再選佢。